Ղեկավարվելով Տեղական Ինքնակառավարման Մասին ՀՀ օրենքի 35-րդ հոդվածի 24) կետի ՀՀ կառավարության 18.05.2006 թ. թիվ 912-Ն որոշմամբ հաստատված «Ինքնակամ կառույցների օրինականացման և տնօրինման կարգը հաստատելու մասին» կարգի 34-րդ, 35-րդ, 35.1-րդ, 36-րդ, 37-րդ և 39-րդ կետերի, Գավառ համայնքի ավագանու 25.03.2021թ. թիվ 2 նիստի թիվ 39-Ա որոշման պահանջներով և հիմք ընդունելով ինքնակամ կառույցն իրականացրած անձ՝ Վարդան Վասիլի Դադոյանի` Գավառ համայնքի ղեկավարին 2021 թվականի հունվարի 20-ին հասցեագրված դիմումը և օրինականացման համար սահմանված վճարների անդորագրերը, նկատի ունենալով, որ ինքնակամ կառուցված կոշիկի վերանորոգման տաղավարը օրենքով սահմանված կարգով օրինականացվել է որպես համայնքային սեփականություն /անշարժ գույքի նկատմամբ իրավունքների գրանցման վկայական N 17032021-05-0048, տրված 17.03.2021թ./, որոշում եմ 

1. Գավառ համայնքի Շահումյան փողոց թիվ 46/1 հասցեում գտնվող համայնքային սեփականություն հանդիսացող, օրինական ճանաչված 6.60քմ արտաքին /5.60քմ ներքին/ մակերեսով կոշիկի վերանորոգման տաղավարը և տաղավարի զբաղեցրած ու սպասարկման համար նախատեսված 0.0012հա մակերեսով հողամասը, համապատասխանաբար կոշիկի վերանորոգման տաղավարի 1/մեկ/ քառակուսի մետրի համար 1300 /մեկ հազար երեք հարյուր/ ՀՀ դրամ արժեքով, ընդամենը 8600 /ութ հազար վեց հարյուր/ ՀՀ դրամ, ավտոտնակի համար առանձնացված հողամասը՝ յուրաքանչյուր 1/մեկ/ քառակուսի մետրի համար 1242 /մեկ հազար երկու հարյուր քառասուներկու/ ՀՀ դրամ արժեքով, ընդամենը 15000 /տասնհինգ հազար/ ՀՀ դրամ և տվյալ միավորի նկատմամբ համայնքի անվամբ գույքային իրավունքների պետական գրանցման համար իրականացված վճարների փոխհատուցման վճարների 35000 /երեսունհինգ հազար/ ՀՀ դրամ արժեքներով, ուղղակի վաճառքով օտարելու ինքնակամ կառույցն իրականացրած անձին՝ Վարդան Վասիլի Դադոյանին:

2. Շենք շինությունները չեն հակասում քաղաքաշինական նորմերին և դրանց մակերեսները որոշվում են քարտեզագրման, գեոդեզիայի, չափագրման /հաշվառման/ և հողաշինարարության գործունեություն իրականացնելու իրավունք ունեցող կազմակերպությունների /անձի/ կողմից տարված հատակագծերին համապատասխան:

3. Հանձնարարել աշխատակազմի իրավատնտեսագիտական բաժնի պետ Արա Գևորգյանին՝ օրենքով սահմանված կարգով Վարդան Վասիլի Դադոյանի հետ կնքելու ուղղակի վաճառքի պայմանագիր:

4. Որոշման կատարման հսկողությունը դնել Գավառ համայնքի ղեկավարի տեղակալ Գ. Բոշյանի վրա

5. Սույն որոշումն ուժի մեջ է մտնում հրապարակմանը հաջորդող օրը: