Ղեկավարվելով Տեղական Ինքնակառավարման Մասին ՀՀ օրենքի 35-րդ հոդվածի 24) կետի պահանջներով, ՀՀ Քաղաքացիական օրենսգրքի 188-րդ հոդվածի 4-րդ և 5-րդ կետերով, ՀՀ կառավարության 29.12.2005թ. «Հայաստանի Հանրապետության քաղաքային և գյուղական բնակավայրերում ներբնակավայրային աշխարհագրական օբյեկտների անվանակոչման, անվանափոխության, անշարժ գույքի` ըստ դրա գտնվելու և /կամ/ տեղակայման վայրի համարակալման, հասցեավորման ու հասցեների պետական գրանցման կարգը հաստատելու և հասցեների գրանցման լիազոր մարմին սահմանելու մասին» թիվ 2387-Ն որոշման մեջ լրացումներ և փոփոխություններ կատարելու մասին ՀՀ կառավարության 25.02.2021 թ-ի N 233-Ն որոշման, ՀՀ կառավարության 2006 թ-ի նոյեմբերի 30-ի «ՀՀ Գեղարքունիքի մարզի Գավառ քաղաքային համայնքի (բնակավայրի) գլխավոր հատակագիծը հաստատելու մասին» N 1727-Ն որոշման պահանջներով, 18.05.2006 թ. «Հայաստանի Հանրապետության կառավարության որոշումը պետական կամ համայնքային հողամասերում գտնվող ինքնակամ կառույցների նկատմամբ պետության կամ համայնքների սեփականության իրավունքի պետական գրանցման կարգը հաստատելու մասին» թիվ 731-Ն, 18.05.2006թ. «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշումներով, հիմք ընդունելով «ԲԱՅԱԶԵՏ ԱԳՐՈ» ՍՊԸ-ի տնօրեն Ղեվոնդ Կամոյի Բաբայանի դիմումը` Գավառ համայնք Զորավար Անդրամիկի 1-ին փողոց թիվ 30/2 հասցեից հյուսիս ընկած հատվածում` «ԲԱՅԱԶԵՏ ԱԳՐՈ» ՍՊԸ-ի կողմից ինքնակամ կառուցված 63.4 քմ արտաքին /54.5 քմ ներքին/ մակերեսով անասնագոմը օրինականացնելու մասին, ինչպես նաև հաշվի առնելով, որ շինությունը կառուցված է համայնքային սեփականություն հանդիսացող հողատարածքի վրա, որի կառուցման ու սպասարկման համար անհրաժեշտ հողամասը չի գտնվում ՀՀ հողային օրենսգրքի 60-րդ հոդվածով սահմանված սահմանափակումների ցանկում, ինչպես նաև ինժեներատրանսպորտային օբյեկտների օտարման կամ անվտանգության գոտիներում, չի առաջացնում սերվիտուտ և կառույցը պահպանելը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, որոշում եմ
1. Օրենքով սահմանված կարգով ՀՀ Գեղարքունիքի մարզի Գավառ համայնքում գտնվող / կադաստրային ծածկագիր 05-001-0451-0032-ից առանձնացվող/ 0.00634 հա մակերեսով հողատարածքի գործառնական նշանակությունը համապատասխանեցնել ՀՀ կառավարության 2006 թ-ի նոյեմբերի 30-ի «ՀՀ Գեղարքունիքի մարզի Գավառ քաղաքային համայնքի (բնակավայրի) գլխավոր հատակագիծը հաստատելու մասին» N 1727-Ն որոշմամբ հաստատված գլխավոր հատակագծին փոփոխել՝ արդյունաբերության ընդերքօգտագործման և այլ արտադրական նպատակային նշանակության՝ Արդյունաբերական օբյեկտների գործառնական նշանակության:
2. Գավառ համայնքի Զորավար Անդրամիկի 1-ին փողոց թիվ 30/2 հասցեից հյուսիս գտնվող համայնքային սեփականություն հանդիսացող 0.00634հա մակերեսով արդյունաբերության ընդերքօգտագործման և այլ արտադրական նպատակային նշանակության՝ արդյունաբերական օբյեկտների գործառնական նշանակության հողամասի վրա ինքնակամ կառուցված 63.4 քմ. արտաքին /54.5 քմ ներքին/ մակերեսով անասնագոմը՝ համաձայն կից ներկայացվող հողամասի և շինության հատակագծերի, համարել համայնքային սեփականություն, ճանաչել օրինական և հողամասի գործառնական նշանակությունը համարել փոփոխված գյուղատնտեսական արտադրական օբյեկտների գործառնական նշանակության:
3. Օրինական ճանաչված անասնագոմին տրամադրել Գավառ համայնք Զորավար Անդրամիկի 1-ին փողոց թիվ 30/13 հասցեն:
4. Օրինականացված 63.4 քմ. արտաքին /54.5 քմ ներքին/ մակերեսով անասնագոմը՝ գնման նախապատվության իրավունքով /ուղղակի վաճառքի միջոցով/ տրամադրելու մասին գրավոր առաջարկություն անել ինքնակամ կառույցն իրականացրած՝ «ԲԱՅԱԶԵՏ ԱԳՐՈ» ՍՊԸ-ին:
5. Սույն որոշումը ներկայացնել ՀՀ անշարժ գույքի կադաստրի կոմիտեի անշարժ գույքի գրանցման միասնական ստորաբաժանում` գույքային իրավունքների պետական գրանցում կատարելու համար:
6. Որոշման կատարման հսկողությունը դնել Գավառ համայնքի ղեկավարի տեղակալ Գ. Բոշյանի վրա: