Ղեկավարվելով Տեղական ինքնակառավարման մասին ՀՀ օրենքի 16-րդ հոդվածի 30-րդ կետի, «Աշխարհագրական անվանումների մասին» ՀՀ օրենքի 6-րդ հոդվածի դրույթներով և հաշվի առնելով հետևյալը.
1828-1829թթ. պատմական Հայաստանի Բայազետ քաղաքից և շրջակա բնակավայրերից Արծրունի Եղբայրների առաջնորդությամբ բնակչությունը գաղթում է ներկայիս Գավառի տարածք, փրկվում հետագա եղեռնից:
Նոր բնակավայրը անվանվեց Նոր Բայազետ, որ կենդանի մնա հին, կորցրած բնակավայրի անունը, ինչը պատմական անուն է, կապված է մեծ հիշատակների, այդ թվում Բագրատունյաց գերեզմանատեղիի հետ: Բայազետ անունը նշանակել է գահաժառանգի /պայազատի/ նստավայր և կապ չունի սուլթան Բայազիդի հետ: Բերդը Պայազատի էր անվանվում Սուլթան Բայազետի հանդես գալուց շատ առաջ: ՀՀՇ-ական իշխանությունը իրավացիորեն փոխեց Կամո անունը , սակայն չվերականգնեց պատմական Նոր Բայազետ անվանումը, որով կոչվել էր շրջանը և քաղաքը մինչև 1959թ. Կամո վերանվանումը:
Պատմական անհրաժեշտություն է մարզկենտրոնի անունը փոխելու և վերականգնելու Նոր Բայազետ անունը:
Դրանով կհավերժանա մեր պապերի հայրենի ոստանի անունը, սերունդներին կհասնի պատմական ճշմարտությունը` թե որտեղից է եկել Գեղամա աշխարհի բնակչության մի մասը 19-րդ դարի 30-ական թվականներին:
Մասյաց ոստան Բայազետի անունը պետք է մնա, ապրի և շարունակվի, ինչպես Արևմտյան Հայաստանի շատ տեղանուններ /Նոր Արեշ, Նոր Խարբերդ, Հաճն, Արաբկիր, Սեբաստիա և այլն/:
Հարցի քննարկվել է քաղաքի տարբեր կազմակերպություններում և թաղամասերում, կազմակերպվել է հանրային լսում Գավառի քաղաքապետարանի դահլիճում և ուղիղ եթեր «Գեղամա» հեռուստաընկերությունում:
Հաշվի առնելով ազգաբնակչության պահանջը և վերջին ժամանակների հանրային քննարկումների արդյունքները, Գավառ տեղանվան նկատմամբ խիստ դժգոհությունը, Բայազետի պատմական բնակավայրի անունը հավերժանալու համար, Գավառ համայնքի ավագանին որոշում է
Գավառ քաղաքը վերանվանել Նոր բայազետ
1. Դիմել ՀՀ Կառավարության աշխարհագրական օբյեկտների անվանափոխումների հարցերով պետական լիազոր մարմնին` Գավառ քաղաքը Նոր Բայազետ վերանվանելու
2. Դիմել ՀՀ Գեղարքունիքի մարզպետին` համաձայնություն տալու «Գավառ» տեղանունը «Նոր Բայազետ» տեղանվամբ վերանվանելու:
|