Ղեկավարվելով «Նորմատիվ իրավական ակտերի մասին» ՀՀ օրենքի 1-ին հոդվածի 2-րդ մասի, 23-րդ, ՀՀ Հողային օրենսգրքի 8-րդ հոդվածի, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 24), և 43-րդ հոդվածի 1-ին մասի 5)-րդ կետերի դրույթներով, ելնելով համայնքի կենտրոնական հատվածի քաղաքաշինական կանոնակարգման անհրաժեշտությունից, նկատի ունենալով, որ նախկին կառուցապատող Կարեն Մելոյանի կողմից չի կատարվում Գավառ համայնքի ղեկավարի.06.08.2020թ. թիվ 463-Ա որոշման պահանջը, ինչպես նաև վերջինս անտեսում է համայնքապետարանի մի քանի զգուշացումներն ու չի ապամոնտաժում համայնքային սեփականություն հանդիսացող հողամասի վրա իր կողմից տեղակայված շարժական շինությունը, որոշում եմ 

  1. «ՎՏԲ-Հայաստան բանկ»-ի շենքին հարող հարավային մայթին, Բոշնաղյան 28 հասցեի համայնքային սեփականություն հանդիսացող հողամասի վրա նախկին կառուցապատող Կարեն մելոյանի տեղադրած շարժական շինությունը կառուցապատողի կողմից մինչև 28.09.2020թ. չապամոնտաժելու դեպքում, նշված շինությունը ապամոնտաժել համայնքի միջոցներով:
2. Իրազեկել նախկին կառուցապատող Կարեն Մելոյանին, որ համայնքի կողմից նրան պատկանող շինության ապամքնտաժման ծախսերը բռնագանձվելու են իրենից, իսկ ապամոնտաժման ժամանակ գույքին պատճառված վնասի համար համայնքապետարանը պատասխանատվություն չի կրելու:
3. Սույն որոշումն ուժի մեջ է մտնում պաշտոնական հրապարակմանը հաջորդող օրը: