Ղեկավարվելով «Նորմատիվ իրավական ակտերի մասին» ՀՀ օրենքի 1-ին հոդվածի 2-րդ մասի, 23-րդ հոդվածի, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 16)-րդ և 43-րդ հոդվածի 1-ին մասի 3)-րդ կետերի, ՀՀ հողային օրենսգրքի 63-րդ, 67-րդ և 68-րդ հոդվածների դրույթներով, հիմք ընդունելով Գավառ համայնքի ավագանու 25.05.2021թ. թիվ 3 նիստի թիվ 81-Ա որոշումը, որոշում եմ 

1. Գավառ համայնքի Արամայիս Ոսկանյան փողոց թիվ 11/20 հասցեում գտնվող համայնքային սեփականություն հանդիսացող՝ /սեփականության իրավունքի պետական գրանցման վկայական թիվ 09042021-05-0019/, 05-001-0293-0019 կադաստրային ծածկագրով, բնակավայրերի նպատակային նշանակության, բնակելի կառուցապատման գործառնական նշանակության 0.00324 հա մակերեսով սահմանափակումներ չունեցող հողատեսքն՝ ավտոտնակ կառուցելու նպատակով աճուրդային եղանակով օտարելու համար 2021 թվականի հոկտեմբերի 25-ին հայտարարել աճուրդ:

2.Հողամասի համար աճուրդի մեկնարկային գին սահմանել 1221 (մեկ հազար երկու հարյուր քսանմեկ) ՀՀ դրամ մեկ քառակուսի մետրի համար:

3.Հանձնարարել աճուրդի կազմակերպչին՝ ՀՀ օրենսդրությամբ սահմանված կարգով կազմակերպել աճուրդը:

4.Սույն որոշումն ուժի մեջ է մտնում հրապարակմանը հաջորդող օրը: