ՀՀ կառավարության որոշմամբ հաստատվել է «Բուսաբուծության աջակցության» ծրագիրը, որն իրականացվում է ծախսերի փոխհատուցման միջոցով։ Սուբսիդավորվում են գարնանացան հացահատիկային և հատիկընդեղեն մշակաբույսերը և խոտաբույսերը՝ առվույտ և կորընգան։

Դիմումների ներկայացման և մանրամասներին ծանոթանալու համար դիմել Գավառի համայնքապետարանի գյուղատնտեսության և հողաշինության բաժին /հասցե՝ Գրիգոր Լուսավորչի 12/ և վարչական շրջանների ղեկավարներին։

 Ապրիլի 12-ին՝  ժամը 14:00-ին, Գավառի համայնքապետարանում տեղի կունենա Գավառ համայնքի ավագանու վեցերորդ նստաշրջանի երրորդ նիստը:

Կից ներկայացվում է օրակարգը․

Գավառի համայնքապետարանը հիշեցնում է, որ «Առևտրի և ծառայությունների  մասին»  ՀՀ օրենքի համաձայն՝ 2022 թվականի հունվարի 1-ից առևտրի օբյեկտներում և առևտրի իրականացման վայրերում, շրջիկ առևտրի կետերում արգելվում է մինչև 50 միկրոն հաստությամբ պոլիէթիլենային տոպրակների իրացումը։ 

Օրենքի կիրառման նկատմամբ վերահսկողությունը դրված է տեղական ինքնակառավարման մարմինների վրա և Գավառի համայնքապետարանը իրականացվող շրջայցերի ընթացքում հայտնաբերած խախտումների դեպքում կիրառելու է համապատասխան տույժեր։։

  Գավառ  համայնքի  վարչական սահմաններում գտնվող պետական և  համայնքային սեփականություն հանդիսացող գյուղատնտեսական նշանակության`կից փաստաթղթում ներկայացված կադաստրային ծածկագրերով վարելահողերը, խոտհարքները    և արոտավայրերը վարձակալությամբ տրամադրելու նպատակով  Գավառի  համայնքապետարանը հայտարարում է մրցույթ, որը   տեղի կունենա 2024թ.  Ապրիլի 19-ին ժամը 11:00-ին, Գավառի  համայնքապետարանի նիստերի դահլիճում:

Հայտ ներկայացնելու համար անհրաժեշտ է ներկայանալ անձը հաստատող փաստաթղթով: Արոտավայրերի և խոտհարքների համար հայտ ներկայացնելու դեպքում անհրաժեշտ է ներակայացնել նաև անասնագլխաքանակի վերաբերյալ տեղեկանք: Մրցույթի մասնակցության վճարը յուրաքանչյուր լոտի համար կազմում է 2000 դրամ: Մրցույթի մասնակիցները մրցույթի օրը վճարում են նախավճար, որը կազմում է մեկնարկային գնի 5 տոկոսը:

Մրցույթին մասնակցելու հայտերի ընդունումը դադարեցվում է մրցույթի անցկացման օրվանից 3 աշխատանքային օր առաջ: Տեղեկությունների համար դիմել մրցութային հանձնաժողովին ցանկացած աշխատանքային օր՝ ժամը 9-00-ից 18-00-ն, հեռ. 0264-2-34-27: Հասցեն` Գր. Լուսավորչի 12

Լանջաղբյուր բնակավայրի հարգելի բնակիչներ,

«Շրջակա միջավայրի վրա ազդեցության գնահատման և փորձաքննության մասին» ՀՀ օրենքի /21.06.2014թ. Հ0-110-Ն/ համաձայն, ինչպես նաև ՀՀ կառավարության 19.11.2014թ. N 1325-Ն որոշմամբ սահմանված կարգով, սույն թվականի մարտի  27-ին, ժամը 14։00-ին, Գեղարքունիքի մարզի  Գավառ համայնքի Լանջաղբյուր բնակավայրի վարչական ղեկավարի նստավայրում (հասցե՝ Լանջաղբյուր բնակավայր,  Խ. Աբովյան փող. 8) տեղի կունենան «Ոռոգման համակարգերի արդիականացման ծրագրի» շրջանակներում իրականացվող «Լանջաղբյուրի №1 ջրամբարի մոտեցնող ջրանցքի» վերականգնման աշխատանքների վերաբերյալ հանրային քննարկումներ (2-րդ փուլի հանրային ծանուցում և քննարկումներ): 

Նախագծային փաստաթղթերին և բնապահպանական նախնական գնահատման հայտին կարելի է ծանոթանալ «ՀԳՇՆ» ՍՊԸ-ում (հասցե՝ Երևան, Կիևյան 16. էլ.փոստ՝ hgsnvh@gmail.com. հեռ.` 010274306):

Ակնկալում ենք ակտիվ մասնակցություն։

Մարտի 11-ին՝ ժամը 14։00-ին,  համայնքապետարանում տեղի կունենա Գավառ համայնքի ավագանու վեցերորդ նստաշրջանի երկրորդ նիստը։

 Օրակարգը և նախագծերը՝ կից փաստաթղթերում:

Մարտի 6-ին՝  ժամը 15։00-ին, «Գավառի ուսուցողական կենտրոն» ՀՈԱԿ-ի դահլիճում տեղի կունենա Գավառ համայնքի՝ 2023թվականի բյուջեի կատարման տարեկան հաշվետվության վերաբերյալ հանրային լսում։ 

Ակնկալում են ակտիվ մասնակցություն։ 

Փետրվարի 13-ին, ժամը 14:00-ին, Գավառի համայնքապետարանում տեղի  կունենա Գավառ համայնքի ավագանու վեցերորդ նստաշրջանի առաջին նիստը։

 Օրակարգը և նախագծերը կից փաստաթղթերում:

ՄԱԿ-ի Զարգացման ծրագրի «Կանայք քաղաքականության, հանրային կառավարման և քաղաքացիական հասարակության մեջ» ծրագրի շրջանակում  ձևավորվում է Գավառ համայնքի ղեկավարին կից, հասարակական կարգով գործող կանանց և երիտասարդների խորհրդակցական մարմին։ Ծրագիրն իրականացվում է Միացյալ Թագավորության Լավ կառավարման հիմնադրամի ֆինանսավորմամբ, ինչպես նաև՝ ՀՀ տարածքային կառավարման և ենթակառուցվածքների նախարարության և ՕքսԵՋեն հիմնադրամի հետ համագործակցությամբ։

Խորհրդակցական մարմնի անդամ կարող են դառնալ  16 տարին լրացած երիտասարդները և կանայք, ովքեր պատրաստ են ներգրավվել համայնքում առկա խնդիրների վերհանման և դրանց լուծմանն ուղղված աշխատանքներին։

Դիմումներն ընդունվում եմ մինչև փետրվարի 12-ը՝ առցանց և առձեռն (դիմումի ձևը կցվում է)տարբերակներով։

Դիմումն առցանց լրացնել հետևյալ հղումով՝  https://forms.gle/BFPXWijD3B4we7Nq6 կամ

 դիմել Գավառի համայնքապետարան, աշխատանքային օրերին՝ ժամը 9։00-18։00։

Հասցե՝ ք․ Գավառ, Գր․ Լուսավորչի 12։

Հունվարի 12-ին՝ ժամը 13:00-ին, Գավառի համայնքապետարանում տեղի է ունենալու Գավառ համայնքի ավագանու արտահերթ նիստ։

 Կից ներկայացվում է նիստի օրակարգը և նախագծերը:

ՀՀ արտաքին գործերի նախարարության դիվանագիտական դպրոցը կազմակերպում է վերապատրաստման երկշաբաթյա դասընթաց ՀՀ մարզպետարանների և տեղական ինքնակառավարման մարմինների` արտաքին կապերի գործառույթներ իրականացնող ստորաբաժանումների աշխատակիցների համար: Ծրագիրը կմեկնարկի 2024թ. մարտի 18-ին:

Ծրագիրը բաղկացած է չորս առարկաներից (մոդուլներից), որոնք անգլերենով վարելու են արտերկրից հրավիրված դասախոսներ: Այդ մոդուլներն են՝ Հաղորդակցության հմտություններ, Հանրային դիվանագիտություն, Բանակցային հմտություններ և Դիվանագիտական էթիկետ և արարողակարգ: Յուրաքանչյուր առարկայի տևողությունը չորս օր է՝ ամեն օր առավոտյան և կեսօրին երկու տարբեր առարկաների դասավանդմամբ: Դասերը տեղի կունենան երկուշաբթիից հինգշաբթի՝ 9:15-ից 12:15-ը և 14:15-ից 17:15-ը: Դասերը լինելու են ինտերակտիվ և ակնկալվում է անգլերենի իմացության պատշաճ մակարդակ:

Դասընթացի ավարտին բոլոր մոդուլներին հաճախած մասնակիցներին կտրվի մասնակցության վկայական:

Դասընթացին մասնակցել ցանկացողները կարող են դիմել Գավառի համայնքապետարան /հասցե՝ ք․ Գավառ, Գրիգոր Լուսավորչի 12/՝ իրենց տվայալները ՀՀ ԱԳՆ դիվանագիտական դպրոցին տրամադրելու համար: 

Դեկտեմբերի 13-ին, ժամը 14:00-ին, Գավառի համայնքապետարանում տեղի կունենա Գավառ համայնքի ավագանու հինգերորդ նստաշրջանի չորրորդ նիստը։

Նիստի օրակարգը և հավելվածները՝ կից փաստաթղթերում։