ՀՀ-ում շմոլ գազի թունավորումների թվերի աճով պայամանավորված՝ հարկ ենք համարում զգուշացնել՝ ուշադիր լինել և պահպանել անվտանգության կանոնները:
Հատկապես ձմռան ամիսներին, երբ շատերը տները տաքացնում են տարբեր տեսակի վառարաններով, շմոլ գազից թունավորումների հավանականությունը կտրուկ մեծանում է։
Թունավորումներից և հետագա բարդություններից խուսափելու նպատակով խորհուրդ է տրվում.
. գազի հոտ զգալու կամ թունավորման նշաններ նկատելու դեպքում անմիջապես մաքուր օդ դուրս գալ և օդափոխել տարածքը,
.եթե տանը գազօջախ կա, անջատել այն, փակել գազի հոսքը դեպի տուն,
.ոչ մի դեպքում ՉԱՆՋԱՏԵԼ հատուկ սարքերը, որոնք անջատում են գազը օդում շմոլ գազ հայտնաբերելու դեպքում,
.բաց բուխարիների օգտագործման ժամանակ համոզվել, որ օդատարը բաց է,
.գեներատորները, քարե տաքացուցիչները կամ այլ բենզինային, պրոպանային, գազային սարքերը չկիրառել տան ներսում, խորդանոցում կամ ավտոտնակում,
.խիստ անհրաժեշտության դեպքում նմանատիպ սարքեր կիրառելիս անպայման համոզվել՝ օդափոխությունը լիարժեք է իրականացվում, թե՝ ոչ,
.գազի ջեռոցի օգտագործման ժամանակ միշտ միացնել օդատարը,
Եթե մաքուր օդում կամ տարածքն օդափոխելուց հետո թունավորման նշանները չեն անցնում, անհրաժեշտ է անպայման դիմել բժշկի:
Կից փաստաթղթում ծանոթացեք 2021թվականի հունվարի 1-ից մինչև հոկտեմբերի 1-ն արձանագրված շմոլ գազով թունավորումների վերաբերյալ վերլուծությանը: