Ղեկավարվելով «Իրավունքը հաստատող փաստաթղթերը չպահպանված անհատական բնակելի տների կարգավիճակի մասին» 10.06.2008թ. ՀՀ ՀՕ-117-Ն օրենքով, «Նորմատիվ իրավական ակտերի մասին» ՀՀ օրենքի 1-ին հոդվածի 2-րդ մասի, «Տեղական ինքնակառավարման մասին» ՀՀ օրենքի 35-րդ հոդվածի 24) կետի և ՀՀ Կառավարության 29.12.2005թ. «Հայաստանի Հանրապետության քաղաքային և գյուղական բնակավայրերում ներբնակավայրային աշխարհագրական օբյեկտների անվանակոչման, անվանափոխության, անշարժ գույքի` ըստ դրա գտնվելու և /կամ/ տեղակայման վայրի համարակալման, հասցեավորման ու հասցեների պետական գրանցման կարգը հաստատելու և հասցեների գրանցման լիազոր մարմին սահմանելու մասին» թիվ 2387-Ն որոշման մեջ լրացումներ և փոփոխություններ կատարելու մասին ՀՀ կառավարության 25.02.2021թ-ի N 233-Ն պահանջներով, հիմք ընդունելով Արմենակ Արտաշի Վանեցյանի անվամբ գրանցված Սեփականության վկայագիրը, «Դավիթ Առաքելյան» ԱՁ-ի կողմից տրված հողամասի և շինությունների հատակագծերը, համաձայն որոնց Գավառ քաղաքի Ա․ Բոշնաղյան փողոց 2-րդ փակուղի 1 հասցեում գտնվող ընդհանուր հողամասը չափագրվել է, ըստ Սեփականության վկայագրի հողամասի օրինական մակերեսը կազմում է 0.05364 հա, փաստացի՝ 0.07098 հա, որը Արմենակ Արտաշի Վանեցյանին /ծնված 28.04.1960թ-ին/ սեփականության իրավունքով պատկանող հողամասն է և հաշվի առնելով, որ օրինական կառուցված 478.50 քմ մակերեսով շենք-շինությունների /կառուցված 1982թ./ կառուցման ու սպասարկման համար անհրաժեշտ 0.07098 հա հողամասը չի գտնվում ՀՀ հողային օրենսգրքի 60-րդ հոդվածով սահմանված սահմանափակումների ցանկում, ինչպես նաև ինժեներատրանսպորտային օբյեկտների օտարման գոտիներում, չի առաջացնում սերվիտուտ, որոշում եմ 

1․ Ուժը կորցրած ճանաչել Գավառ համայնքի ղեկավարի 2024 թվականի սեպտեմբերի 17-ի թիվ 1931-Ա որոշումը:

2. Վերականգնել Գավառ քաղաքի Ա․ Բոշնաղյան փողոց 2-րդ փակուղի 1 հասցեում գտնվող գույքային միավորի նկատմամբ Արմենակ Արտաշի Վանեցյանի /ծնված 28.04.1960թ-ին/ հողօգտագործման իրավունքը՝ 0.05364 հա հողամասից փաստացի ավել օգտագործվող 0․01734 հա հողամասի գույքային իրավունքները՝ ճանաչելով նրա սեփականության իրավունքը 0.07098 հա ընդհանուր մակերեսով հողամասի և 1982թ-ին օրինական կառուցված 478.50 քմ ընդհանուր մակերեսով շինությունների նկատմամբ` որպես օրինական տիրապետվող գույք:

3. Անշարժ գույքին տրամադրել Գավառ, Ա․ Բոշնաղյան փողոց, 2-րդ փակուղի, 1 հասցեն:

4. Սույն որոշումը ներկայացնել ՀՀ անշարժ գույքի կադաստրի պետական կոմիտեի անշարժ գույքի գրանցման միասնական ստորաբաժանում` գույքային իրավունքների պետական գրանցում կատարելու համար:

5. Որոշման կատարման հսկողությունը դնել Գավառ համայնքի ղեկավարի տեղակալ Գ․ Բոշյանի վրա։