Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 1-ին հոդվածի 2-րդ մասի և 23-րդ հոդվածի դրույթներով, «Տեղական ինքնակառավարման մասին» Հայաստանի Հանրապետության օրենքի 10-րդ հոդվածի 11-րդ և 13-րդ հոդվածի 10-րդ մասի դրույթներով, հիմք ընդունելով Գավառի համայնքապետարանի աշխատակազմի գլխավոր մասնագետ, սոցիալական աշխատողի 05. 10. 2023 թ. հատուկ եզրակացությունը՝ Գավառ համայնքի ավագանին որոշում է. 1. Գավառ համայնքի 2023 թվականի բյուջեով նախատեսված 10 բաժնի 7 խմբի 1 դասի գործառնական դասակարգման 4729 տնտեսագիտական հոդվածով նախատեսված գումարից 80 000 (ութսուն հազար) ՀՀ դրամ դրամական օգնություն տրամադրել սեպտեմբերի 26-ին Լեռնային Ղարաբաղից բռնի տեղահանված Հակոբ Դանիելյանին՝ նրա հոր Համլետ Դանիելյանի թաղման /դագաղի/ ծախսերին աջակցելու նպատակով: Գումարը վճարել Հակոբ Դանիելյանին:
2․ Սույն որոշումն ուժի մեջ է մտնում պաշտոնական հրապարակման հաջորդ օրը։ |