Գավառ համայնքի ավագանու անդամներից ավագ անդամ Օնիկ Դանոյանը վարելով ավագանու նիստը՝ Գ. Մարտիրոսյանին հրավիրում է ընթերցելու երդման տեքստը.
Գուրգեն Մարտիրոսյանը ընթերցում է երդման հետևյալ տեքստը.
«Ստանձնելով Գավառ համայնքի ղեկավարի պաշտոնը` երդվում եմ.
Համայնքի ղեկավարի լիազորություններն իրականացնելիս պահպանել Հայաստանի Հանրապետության Սահմանադրությունը, օրենքները, համայնքի ավագանու որոշումները, ազնվորեն և բարեխղճորեն կատարել համայնքի ղեկավարի լիազորությունները, ծառայել համայնքի բարգավաճմանը, գործել ի բարօրություն նրա բնակիչների:
Պարտավորվում եմ պաշտպանել համայնքի իրավունքները, օրինական շահերը և սեփականությունը, ուժերիս անմնացորդ նվիրումով սատարել ժողովրդի հավատին, նպաստել նրա նյութական և հոգևոր վերելքին»:
Հնչում է ՀՀ օրհներգը, որից հետո Գուրգեն Երվանդի Մարտիրոսյանը ստորագրում է երդման տեքստը, որը ի պահ է տրվում Գավառի համայնքապետարանի աշխատակազմին
Ղեկավարվելով «Տեղական ինքնակառավարման մասին» Հայաստանի Հանրապետության օրենքի 74-րդ հոդվածի 1. մասով, Գավառ համայնքի ավագանին որոշում է
1.
1. Ընդունել ի գիտություն Գուրգեն Երվանդի Մարտիրոսյանի երդմամբ համայնքի ղեկավարի լիազորությունների ստանձնումը: