Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 1-ին հոդվածի 2-րդ մասի, 23-րդ հոդվածի, «Տեղական ինքնակառավարման մասին» Հայաստանի Հանրապետության օրենքի 13-րդ հոդվածի 10-րդ մասի, 18-րդ հոդվածի 1-ին մասի 42) կետի դրույթներով, հիմք ընդունելով Գավառի համայնքապետարանի աշխատանքային խմբի 21.03.2022 թ. արձանագրությունների եզրակացությունները, Գավառ համայն քի ավագանին որոշում է 

1.      Համաձայնություն տալ՝

1)      Հնարավոր դժբախտ դեպքերից խուսափելու համար Գավառ քաղաքի Ռ. Թորգոմյան փողոց թիվ 17 հասցեի շինության դիմաց, մայթին աճած և մայթով անցուդարձին արդեն խանգարող բարդին կտրելու առաջարկին:

2)      Հնարավոր դժբախտ դեպքերից խուսափելու համար Գավառ համայնքի Սարուխան գյուղի Հենրիկ Աբրահամյան փողոց 10-րդ փակուղում գտնվող ջրատար առվում աճած, գերխոնավության հետևանքով արմատը թուլացած ու թեքված, քամիներից ցանկացած պահի տապալման ենթակա բարդին կտրելու առաջարկին:

3)      Սեփականության իրավունքով Արիս Արտաշի Ադամյանին պատկանող Գավառ քաղաքի Սայադյան փողոց թիվ 29 հասցեի ավտոտնակների օգտագործմանը խոչընդոտող, մայթին աճած բարդիները կտրելու առաջարկին:

2.      Սույն որոշումն ուժի մեջ է մտնում պաշտոնական հրապարակմանը հաջորդող օրը: