Հայաստանի Հանրապետության ,,Տեղական ինքնակառավարման մասին’’ օրենքի 18-րդ և 20-րդ հոդվածների համաձայն, Հայաստանի Հանրապետության Կոտայքի և Գեղարքունիքի մարզերի, և մասնավորապես, Գավառ համայնքի տարածքում աղբահանության հետագա աշխատանքների բարելավմանն ուղղված Կոտայքի և Գեղարքունիքի մարզերի կոշտ թափոնների կառավարման ծրագրի /այսուհետ` Ծրագիր/ շրջանակներում Հայաստանի Հանրապետության և Վերակառուցման և Զարգացման Եվրոպական Բանկի միջև 05.04.2016թ. կնքված վարկային համաձայնագրից /հետագա տեքստում` ,,Վարկային համաձայնագիր’’/ բխող ,,ԿՈՏԱՅՔԻ և ԳԵՂԱՐՔՈՒՆԻՔԻ ԿԿԹԿ’’ սահմանափակ պատասխանատվությամբ ընկերության իրավունքների իրականացման ու պարտավորությունների կատարումն ապահովելու նպատակով, Գավառ համայնքի ավագանին որոշում է
Պարտավորություն ստանձնել 2020 թվականից մինչև 2030թ. ընկած ժամանակահատվածում հավասարաչափ մասնաբաժիններով Վարկային համաձայնագրից բխող` ,,ԿՈՏԱՅՔԻ ԵՎ ԳԵՂԱՐՔՈՒՆԻՔԻ ԿԿԹԿ’’ սահմանափակ պատասխանատվությամբ ընկերության պարտավորությունների կատարմանն ուղղված` ենթավարկի հիմնական գումարները, հաշվարկված տոկոսագումարները, հանձնավճարները, վերաձևակերպման վճարումները, այդ թվում Հայաստանի Հանրապետության կողմից 2018-2019 թվականների ընթացքում Վերակառուցման և Զարգացման Եվրոպական Բանկին վճարված գումարների վճարման առումով: