Ղեկավարվելով <<Քաղաքաշինության մասին>> ՀՀ օրենքի 14.3 հոդվածի 30-րդ մասի, <<Նորմատիվ իրավական ակտերի մասին>> ՀՀ օրենքի 1-ին հոդվածի 2-րդ մասի, 23-րդ հոդվածի, <<Տեղական ինքնակառավարման մասին>> ՀՀ օրենքի դրույթներով, ՀՀ Կառավարության 2011 թվականի դեկտեմբերի 29-ի <<Հայաստանի Հանրապետության համայնքների /բնակավայրերի/ գլխավոր հատակագծերի և համակցված տարածական պլանավորման փաստաթղթերի մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի N609-Նու 2010 թվականի N208-Նորոշումներն ուժը կորցրած ճանաչելու մասին>> N1920-Ն որոշման պահանջներով և ՀՀ Կառավարության 2011 թվականի դեկտեմբերի 29-ի N1920-Ն որոշման 24-րդ կետի 3-րդ ենթակետի պահանջներով, Գավառ համայնքի ավագանին որոշում  է

1.  Համաձայնություն տալ Գավառ համայնքի Բոշնաղյան փողոց թիվ 16 հասցեում գտնվող 0.01667հա մակերեսով բնակավայրերի նպատակային նշանակության, բնակելի կառուցապատման գործառնական նշանակության հողատարածքի վրա կառուցված 253.96ք.մ. մակերեսով /ծածկագիր 05-001-0375-0077-001/ բնակելի տան մի հատվածի 129.74ք.մ. մակերեսով շինության գործառնական նշանակությունը նշանակությունը փոխելու հասարակական կառուցապատման գործառնական նշանակության՝ դեղատուն կազմակերպելու համար:
2.  Օրենքով սահմանված կարգով նշված փոփոխությունը արտացոլել համայնքի ընթացիկ քաղաքաշինական քարտեզում և համայնքի գլխավոր հատակագծում ապահովել սույն որոշումից բխող փոփոխությունները:
3.Սույն որոշումն ուժի մեջ է մտնում ընդունմանը հաջորդող օրը: