Ղեկավարվելով «Նորմատիվ իրավական ակտերի մասին» ՀՀ օրենքի 1-ին հոդվածի 2-րդ մասի, 23-րդ հոդվածի, «Տեղական Ինքնակառավարման Մասին» Հայաստանի Հանրապետությանօրենքի 13-րդ հոդվածի 10-րդ մասի, 18-րդ հոդվածի 1-ին մասի 21) և 42) կետերի, «Հրապարակային սակարկությունների մասին» Հայաստանի Հանրապետության օրենքի դրույթներով, հիմք ընդունելով «Գույքի գնահատման և աճուրդի կենտրոն» պետական ոչ առևտրային կազմակերպության 2021 թվականի հունիսի 22-ի գնահատման հաշվետվությունը, Գավառ համայնքի ավագանին որոշում է

1.      Երկարատև շահագործման հետևանքով հետագա շահագործման համար ոչ պիտանիդարձած Գավառ համայնքին սեփականության իրավունքով պատկանող 2005 թվականի արտադրության ՈՒԱԶ-31514 մակնիշի 777 ՕՕ 31 պետհամարանիշի, ԳԱԶ-3102-121 մակնիշի 778 ԼԼ 11 պետհամարանիշի ավտոմեքենաները օտարել աճուրդային կարգով:

2.      ՈՒԱԶ-31514 մակնիշի 777 ՕՕ 31 պետհամարանիշի ավտոմեքենայի աճուրդի մեկնարկային գին սահմանել «Գույքի գնահատման և աճուրդի կենտրոն» ՊՈԱԿ-ի գնահատման հաշվետվությունում նշված շուկայական արժեքը՝ 655000 /վեց հարյուր հիսունհինգ հազար/ ՀՀ դրամ:

3.      ԳԱԶ-3102-121 մակնիշի 778 ԼԼ 11 պետհամարանիշի ավտոմեքենայի աճուրդի մեկնարկային գին սահմանել «Գույքի գնահատման և աճուրդի կենտրոն» ՊՈԱԿ-ի գնահատման հաշվետվությունում նշված շուկայական արժեքը՝ 580 000 /հինգ  հարյուր ութսուն հազար/ ՀՀ դրամ:

4.      Սույն որոշումն ուժի մեջ է մտնում պաշտոնական հրապարակմանը հաջորդող օրը: