Ղեկավարվելով «Քաղաքաշինության մասին» ՀՀ օրենքի 14.3 հոդվածի 30-րդ մասի, «Նորմատիվ իրավական ակտերի մասին» ՀՀ օրենքի 1-ին հոդվածի 2-րդ մասի, 23-րդ հոդվածի, «Տեղական ինքնակառավարման մասին» ՀՀ օրենքի դրույթներով, ՀՀ Կառավարության 2011 թվականի դեկտեմբերի 29-ի «Հայաստանի Հանրապետության համայնքների /բնակավայրերի/ գլխավոր հատակագծերի և համակցված տարածական պլանավորման փաստաթղթերի մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի N609-Ն ու 2010 թվականի N208-Ն որոշումներն ուժը կորցրած ճանաչելու մասին» N1920-Նորոշման պահանջներով, հիմք ընդունելով ՀՀ քաղաքաշինության կոմիտեի 28.11.2019թ. տրամադրված N1/փ-88 դրական եզրակացությունը, Գավառե համայնքի ավագանին որոշում է
1. Համաձայնություն տալ Գավառ համայնքի Ազատության 1-ին փողոց թիվ 1 հասցեում գտնվող 0.1906հա մակերեսով բնակավայրերի նպատակային նշանակության, հասարակական կառուցապատման գործառնական նշանակության հողատարածքի և 202.17ք.մ. մակերեսով /ծածկագիր 05-001-0252-0011-001/ ավտոլվացման կետի գործառնական նշանակությունը փոխելու արդյունաբերության, ընդերքօգտագործման և այլ արտադրական հողերի նպատակային նշանակության հողեր, գյուղատնտեսական արտադրական գործառնական նշանակության հողերի՝ կաթնամթերքի ընդունման կետ կազմակերպելու համար:
2. Օրենքով սահմանված կարգով նշված փոփոխությունը արտացոլել համայնքի ընթացիկ քաղաքաշինական քարտեզում և համայնքի գլխավոր հատակագծում ապահովել սույն որոշումից բխող փոփոխությունները:
3.Սույն որոշումն ուժի մեջ է մտնում հրապարակմանը հաջորդող օրը: