Ղեկավարվելով «Նորմատիվ իրավական ակտերի մասին» ՀՀ օրենքի 1-ին հոդվածի 2-րդ մասի, 23-րդ հոդվածի, «Տեղական Ինքնակառավարման Մասին» Հայաստանի Հանրապետությանօրենքի 13-րդ հոդվածի 10-րդ և 12-րդ մասերի , 18-րդ հոդվածի 1-ին մասի 42) կետի, Հայաստանի Հանրապետության կառավարության և Ռուսաստանի Դաշնության կառավարության միջև եկամուտների և գույքի կրկնակի հարկումը վերացնելու մասին 1996 թվականի դեկտեմբերի 28-ի Համաձայնագրի և դրան կից արձանագրության, այդ Համաձայնագրում և դրան կից արձանագրությունում փոփոխություններ և լրացումներ կատարելու մասին 2011 թվականի հոկտեմբերի 24-ի արձանագրության դրույթներով, նկատի ունենալով Հովիկ Առաքելի Ղարաբաղցյանին պատկանող LEXUS GX 470 մակնիշի ավտոմեքենան 2015 թվականի մայիսի 12-ից Ռուսաստանի Դաշնության Տուլայի մարզի Ճանապարհային Երթևեկության Անվտանգության Պետական Տեսչությունում հաշվառման կանգնելու վերաբերյալ տեղեկանքը, 14.07.2021թ դրությամբ Հովիկ Առաքելի Ղարաբաղցյանի՝ Ռուսաստանի Դաշնության օրենսդրությամբ սահմանված հարկային պարտավորություններ չունենալու վերաբերյալ Ռուսաստանի Դաշնության ֆինանսահարկային ծառայության Տուլայի մարզի միջշրջանային տեսչության N 7561 տեղեկանքը, հիմք ընդունելով փոխադրամիջոցի համար գույքահարկի կրկնակի գանձումը կասեցնելու վերաբերյալ Հովիկ Առաքելի Ղարաբաղցյանի 25.06.2021թ. դիմումը, Գավառ համայնքի ավագանին որոշում է
1. Կրկնակի հարկումից խուսափելու համար սեփականության իրավունքով Հովիկ Առաքելի Ղարաբաղցյանին պատկանող LEXUS GX 470 մակնիշի ավտոմեքենայի 2015 թվականի մայիսի 12-ից մինչև 2021թ. հուլիսի 14-ը ընկած ժամանակահատվածի հարկային պարտավորությունները համարել ամբողջովին կատարված:
2. Թույլատրել համայնքապետարանի աշխատակազմին՝ գույքահարկի գանձման բազայում կատարել համապատասխան փոփոխություն:
3. Սույն որոշումն ուժի մեջ է մտնում պաշտոնական հրապարակմանը հաջորդող օրը:
|