Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 1-ին հոդվածի 2-րդ մասի, 23-րդ հոդվածի, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21/ կետի դրույթներով, Գավառ համայնքի ավագանին որոշում է 1․ Նախադպրոցական կրթության ծառայություն մատուցելու համար Գավառ համայնքի Լճափ գյուղի 3-րդ փողոց թիվ 5 հասցեում գտնվող համայնքային սեփականություն հանդիսացող 1057,5 քմ ներքին մակերեսով շինության առաջին հարկն ամբողջությամբ, երկրորդ հարկի մուտքից ձախ հատվածը, ընդամենը 891,8 քմ մակերեսով տարածքն ու շինության զբաղեցրած ու սպասարկման համար նախատեսված 0,71 հա մակերեսով հողամասը հինգ տարի օգտագործման ժամկետով, անհատույց օգտագործման իրավունքով տրամադրել «Լճափի մանկապարտեզ» համայնքային ոչ առևտրային կազմակերպությանը։
2․ Լուծել 2018 թվականի հուլիսի 12-ին նախկին Լճափ համայնքի և «Լճափի մանկապարտեզ» համայնքային ոչ առևտրային կազմակերպության միջև կնաված անշարժ գույքի անհատույց օգտագործման պայմանագիրը։
3․ Սույն որոշումն ուժի մեջ է մտնում պաշտոնական հրապարակմանը հաջորդող օրը։ |