2022 թվականի փետրվարի 28-ին և մարտի 1-ին ՀՀ Կոտայքի մարզի Չարենցավան քաղաքում անցկացվելու է «ՀՀ Վարչապետի գավաթ» սիրողական սեղանի թենիսի մրցաշարի եզրափակիչ փուլը:
«ՀՀ Վարչապետի գավաթ» սիրողական սեղանի թենիսի մրցաշարը (այսուհետ՝ Մրցաշար)անցկացվելու է երկու տարիքային խմբերով՝
1-ին տարիքային խումբ՝ 18-ից 35 տարեկան (1987-2004 թթ. ծնված)կանայք, 18-ից 40 տարեկան (1982-2004 թթ. ծնված) տղամարդիկ,
2-րդ տարիքային խումբ՝ 36 (1986 թ. ծնված) և բարձր տարիքի կանայք, 41 (1981 թ. ծնված) և բարձր տարիքի տղամարդիկ:
Մրցաշարն անցկացվելու է 3 փուլով՝ համայնքային, մարզային և հանրապետական (եզրափակիչ): Համայնքային փուլի մրցումները կանցկացվեն 2022 թվականի հունվարի 24-27-ն ընկած ժամանակահատվածում:Մրցումներն անցկացվում են առանձին՝ տղամարդկանց և կանանց միջև: Մարզային փուլին կարող են մասնակցել համայնքային փուլի յուրաքանչյուր տարիքային խմբում 1-ին և 2րդ տեղեր գրաված մասնակիցները: Համայնքային և մարզային փուլերի մրցումներն անցկացվելու են օլիմպիական կամ կիսաօլիմպիական եղանակով՝ կախված մասնակիցների թվից:
Մրցաշարի մասնակիցները պետք է մրցավայր ներկայանան իրենց անձնական ռակետներով:
Հարցերի դեպքում կարող եք դիմել Գավառի համայնքապետարանի աշխատակազմ, մինչև սույն թվականի հունվարի 20-ը: