ՀՀ էկոնոմիկայի նախարարությունը տեղեկացնում է, որ ՀՀ կառավարության 2019 թվականի հոկտեմբերի 24–ի N 1485-Լ որոշմամբ մեկնարկել է «Գյուղատնտեսության ոլորտում ապահովագրական համակարգի ներդրման փորձնական պետական աջակցություն» ծրագիրը:
ՀՀ Գեղարքունիքի մարզում կարկուտի և հրդեհի ռիսկերից կարտոֆիլի և հացահատիկային մշակաբույսերի ցանքատարածություններն ապահովագրվում են ապահովագրավճարի առնվազն 50-60 %-ի սուբսիդավորմամբ:
Ընթացքի մեջ է նաև «Հայաստանի Հանրապետությունում աշնանացան ցորենի արտադրության խթանման 2021 թվականի պետական աջակցություն» ծրագիրը: