Ղեկավարվելով Տեղական  ինքնակառավարման մասին Հայաստանի Հանրապետության օրենքի 18-րդ հոդվածի 28-րդ կետով և 35-րդ հոդվածի 1-ին մասի 6-րդ կետով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի դրույթներով և հիմք ընդունելով Հայաստանի Հանրապետության Տարածքային կառավարման և ենթակառուցվածքների նախարար Գ.Սանոսյանի գրությունը, Գավառ համայնքի ավագանին որոշում է 

1.      Հաստատել ՀՀ Գեղարքունիքի մարզի Գավառի համայնքապետարանի համայնքի ղեկավարի աշխատակազմի կառուցվածքը, աշխատակիցների թվաքանակը, հաստիքացուցակը եվ պաշտոնային դրույքաչափերը՝ համաձայն հավելված 1-ի:

2.      ՀՀ Գեղարքունիքի մարզի Գավառի համայնքապետարանի համայնքի ղեկավարի աշխատակազմի կառուցվածքում համայնքային ծառայության պաշտոնների անվանացանկում համապատասխան փոփոխություններ կատարելու առաջարկությամբ մեկշաբաթյա ժամկետում սահմանված կարգով դիմել ՀՀ կառավարության  լիազորված պետական կառավարման մարմին:

3.      ՈՒժը կորցրած ճանաչել Գավառ համայնքի ավագանու 2020 թվականի դեկտեմբերի 25-ի «Գավառի համայնքապետարանի աշխատակազմի կառուցվածքը, աշխատակիցների թվաքանակը, հաստիքացուցակը եվ պաշտոնային դրույքաչափերը հաստատելու մասին» թիվ 138-Ա որոշումը:

4.      Սույն որոշման 1-ին և 3-րդ կետերն ուժի մեջ են մտնում ՀՀ կառավարության լիազորված պետական կառավարման մարմնի կողմից համայնքային ծառայության պաշտոնների անվանացանկը հաստատելու մասին իրավական ակտն ուժի մեջ մտնելու պահից: