Ղեկավարվելով «Նորմատիվ իրավական ակտերի մասին» ՀՀ օրենքի 1-ին հոդվածի 2-րդ մասի, 23-րդ հոդվածի, «Տեղական ինքնակառավարման մասին» ՀՀ օրենքի 35-րդ հոդվածի 1-ին մասի 16)-րդ և 43-րդ հոդվածի 1-ին մասի 3)-րդ կետերի, ՀՀ հողային օրենսգրքի 63-րդ, 67-րդ և 68-րդ հոդվածների դրույթներով, հիմք ընդունելով Գավառ համայնքի ավագանու 13․09․2024թ. Թիվ 8 նիստի թիվ 271-Ա որոշումը, որոշում եմ

1.Գավառ համայնքի Ռ․ Զախարյան փողոց թիվ 2 հողամաս հասցեում գտնվող համայնքային սեփականություն հանդիսացող՝ սեփականության իրավունքի պետական գրանցման վկայական թիվ 06092024-05-0032, 05-001-0376-0065 կադաստրային ծածկագրով, բնակավայրերի նպատակային նշանակության, հասարակական կառուցապատման գործառնական նշանակության 0.01585 հա մակերեսով սահմանափակումներ չունեցող հողատեսքը առևտրի և սպասարկման կետ կառուցելու նպատակով աճուրդային եղանակով օտարելու համար 2024 թվականի հոկտեմբերի 21-ին հայտարարել աճուրդ:

2.Հողամասի համար աճուրդի մեկնարկային գին սահմանել 2500 (երկու հազար հինգ հարյուր ) ՀՀ դրամ մեկ քառակուսի մետրի համար:

3.Հանձնարարել աճուրդի կազմակերպչին՝ ՀՀ օրենսդրությամբ սահմանված կարգով կազմակերպել աճուրդը:

4.Սույն որոշումն ուժի մեջ է մտնում ընդունման հաջորդ օրը: