Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 1-ին հոդվածի 2-րդ մասի, 23-րդ, 36-րդ և 37-րդ հոդվածների, Հայաստանի Հանրապետության քաղաքացիական օրենսգրքի 685-րդ հոդվածի 1-ն մասի, Տեղական ինքնակառավարման մասին Հայաստանի Հանրապետության օրենքի 13-րդ հոդվածի 10-րդ մասի, 18-րդ հոդվածի 1-ին մասի 21) կետի դրույթներով՝ առաջարկվում է․ 1․ Գավառ համայնքի սեփականություն հանդիսացող Գավառ քաղաքի Զ․ Անդրանիկի փողոց 18 հասցեում վարչական շենքի հյուսիսային մուտքի առաջին հարկում գտնվող 274,8 (երկու հարյուր յոթանասունչորս ամբողջ ութ տասնորդական) քմ մակերեսով տարածքն ու զբաղեցրած և սպասարկման համար նախատեցված ընդհանուր բաժնային սեփականություն հանդիսացող հասարակական կառուցապատման նշանակության հողամասի համապատասխան բաժնեմասը անհատույց օգտագործման իրավունքով, 2030 թվականի դեկտեմբերի 31-ը ներառյալ օգտագործման ժամկետով տրամադրել «Գավառի մանկապատանեկան ստեղծագործական կենտրոն» համայնքային ոչ առևտրային կազմակերպությանը՝ արտադպրոցական կրթության ծառայության մատուցում իրականացնելու նպատակով։
2․ Սույն որոշումն ուժի մեջ է մտնում հրապարակմանը հաջորդող օրը։ |