Ղեկավարվելով «Նորմատիվ իրավական ակտերի մասին» ՀՀ օրենքի 1-ին հոդվածի 2-րդ մասի, 23-րդ հոդվածի, «Տեղական ինքնակառավարման մասին» ՀՀ օրենքի 13-րդ հոդվածի 10-րդ մասի, 18-րդ հոդվածի 1-ին մասի 21/կետի, «Ջրօգտագործողների ընկերությունների և ջրօգտագործողների ընկերությունների միությունների մասին» ՀՀ օրենքի 22-րդ, 30-րդ, և 40-րդ հոդվածների, ՀՀ ջրային օրենսգրքի 61․1-րդ և 61․2-րդ հոդվածների դրույթներով, Գավառ համայնքի ավագանին որոշում է․ 

1․Գավառ համայնքի Կարմիրգյուղ բնակավայրի սեփականություն հանդիսացող, Ս․Ավետիսյան, Պ․Սևակ, Հողագործների փողոց հասցեներում գտնվող և «Մուքոյ տախտակ» կոչվող հողատարածքները ինքնահոս եղանակով ոռոգող 985 մետր երկարությամբ ջրատար առուները մինչև 2049 թվականի ոռոգման սեզոնի մեկնարկը օգտագործման ժամկետով, անհատույց օգտագործման իրավունքով տրամադրել «Գեղարքունիք» ջրօգտագործողների ընկերությանը՝ ջրօգտագործող բնակչության ոռոգման ջրամատակարարումն ապահովելու նպատակով։
2․ Որոշումն ուժի մեջ է մտնում ստորագրման պահից։