Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 1-ին հոդվածի 2-րդ մասի, 23-րդ հոդվածի, «Տեղական ինքնակառավարման մասին» ՀՀ օրենքի 13-րդ հոդվածի 10-րդ մասի, 18-րդ հոդվածի 1-ին մասի 21) կետի դրույթներով, Գավառ համայնքի ավագանին որոշում է 1. Համայնքների խոշորացման արդյունքում իրավահաջորդության կարգով նախկին Գեղարքունիք համայնքից Գավառ համայնքին սեփականության իրավունքով փոխանցված Գեղարքունիքի Կ. Դեմիրճյան փողոց թիվ 42 հասցեում գտնվող շինության առաջին հարկի աստիճաններից ձախ 19.8 /տասնինն ամբողջ ութ տասնորդական/ ք.մ. և 48.2 /քառասունութ ամբողջ երկու տասնորդական/ ք.մ. մակերեսներով երկու սենյակներն ու երկրորդ հարկի աստիճաններից աջ 147 /մեկ հարյուր քառասունյոթ/ ք.մ. մակերեսով սենյակը, ընդամենը՝ 215 /երկու հարյուր տասնհինգ/ ք.մ տարածքը ևս տրամադրել «Գեղարքունիքի մանկապարտեզ» համայնքային ոչ առևտրային կազմակերպությանը:
2. Նախադպրոցական կրթության ծառայության մատուցում իրականացնելու համար «Գեղարքունիքի մանկապարտեզ» համայնքային ոչ առևտրային կազմակերպության հետ կնքել Գեղարքունիքի Կ. Դեմիրճյան փողոց թիվ 42 հասցեում գտնվող շինությունից 570.1 /հինգ հարյուր յոթանասոուն ամբողջ մեկ տասնորդական/ քմ մակերեսով տարածքը 5 /հինգ/ տարի օգտագործման ժամկետով, անհատույց օգտագործման իրավունքով տրամադրելու մասին պայմանագիր:
3. Սույն որոշումն ուժի մեջ է մտնում հրապարակման հաջորդ օրը: |