Ղեկավարվելով Տեղական Ինքնակառավարման Մասին ՀՀ օրենքի 35-րդ հոդվածի 24) կետի, ՀՀ կառավարության 18.05.2006թ. թիվ 912-Ն որոշմամբ հաստատված «Ինքնակամ կառույցների օրինականացման և տնօրինման կարգը հաստատելու մասին» 34-րդ, 35-րդ, 35.1-րդ, 36-րդ, 37-րդ և 39-րդ կետերի, Գավառ համայնքի ավագանու 13 սեպտեմբերի 2024 թվականի թիվ 8 նիստի թիվ 256-Ա որոշման պահանջներով և հիմք ընդունելով ինքնակամ կառույցն իրականացրած անձ Մուշեղ Սերյոժայի Մխիթարյանի՝ Գավառ համայնքի ղեկավարին հասցեագրված դիմումը և օրինականացման համար սահմանված վճարների անդորրագրերը, նկատի ունենալով, որ ինքնակամ կառուցված բնակելի տունը, անասնաշենքը օրենքով սահմանված կարգով օրինականացվել են որպես համայնքային սեփականություն /անշարժ գույքի նկատմամբ իրավունքների գրանցման վկայական N 17062024-05-0011, տրված 17.06.2024թ./, որոշում եմ

1․Գավառ համայնքի գ․ Գեղարքունիք Պ․ Սևակի փողոց 1-ին նրբանցք 8 բնակելի տուն հասցեում գտնվող, համայնքային սեփականություն հանդիսացող, օրինական ճանաչված 293․0 քմ արտաքին /206․10 քմ ներքին/ մակերեսով բնակելի տունը, 51․80 քմ արտաքին /39․90 քմ ներքին/ մակերեսով անասնաշենքը, բնակելի տան և անասնաշենքի զբաղեցրած ու սպասարկման համար նախատեսված 0․0869 հա մակերեսով հողամասը, համապատասխանաբար բնակելի տան 1/մեկ/ քառակուսի մետրի համար 2622 / երկու հազար վեց հարյուր քսաներկու / ՀՀ դրամ արժեքով, ընդամենը 768300 /յոթ հարյուր վաթսունութ հազար երեք հարյուր / ՀՀ դրամ, անասնաշենքի 1/մեկ/ քառակուսի մետրի համար 1748 / մեկ հազար յոթ հարյուր քառասունութ/ ՀՀ դրամ արժեքով, ընդամենը 90600 /իննսուն հազար վեց հարյուր/ ՀՀ դրամ, բնակելի տան, անասնաշենքի համար առանձնացված 0.0869 հա մակերեսով հողամասը՝ յուրաքանչյուր 1 /մեկ/ քառակուսի մետրի համար հողի կադաստրային արժեքով՝ 514․8 / հինգ հարյուր տասնչորս ամբողջ ութ / ՀՀ դրամ, ընդամենը 447500 / չորս հարյուր քառասունյոթ հազար հինգ հարյուր / ՀՀ դրամ և տվյալ միավորի նկատմամբ համայնքի անվամբ գույքային իրավունքների պետական գրանցման համար իրականացված վճարների փոխհատուցման վճարների 35000 /երեսունհինգ հազար/ ՀՀ դրամ արժեքներով, ուղղակի վաճառքով օտարելու ինքնակամ կառույցն իրականացրած անձ՝ Մուշեղ Սերյոժայի Մխիթարյանին ։

2․ Շենք-շինությունները չեն հակասում քաղաքաշինական նորմերին և դրանց մակերեսները որոշվում են քարտեզագրման, գեոդեզիայի, չափագրման /հաշվառման/ և հողաշինարարության գործունեություն իրականացնելու իրավունք ունեցող կազմակերպությունների /անձի/ կողմից տրված հատակագծերին համապատասխան:

3․ Հանձնարարել աշխատակազմի իրավաբանական բաժնի պետ Արա Գևորգյանին՝ օրենքով սահմանված կարգով Մուշեղ Սերյոժայի Մխիթարյանի հետ կնքելու ուղղակի վաճառքի պայմանագիր:

4․ Որոշման կատարման հսկողությունը դնել Գավառ համայնքի ղեկավարի տեղակալ Գ. Բոշյանի վրա:

5․ Սույն որոշումն ուժի մեջ է մտնում հրապարակմանը հաջորդող օրը: