Ղեկավարվելով «Իրավունքը հաստատող փաստաթղթերը չպահպանված անհատական բնակելի տների կարգավիճակի մասին» 10.06.2008թ. ՀՀ ՀՕ-117-Ն օրենքով, «Նորմատիվ իրավական ակտերի մասին» ՀՀ օրենքի 1-ին հոդվածի 2-րդ մասի, «Տեղական ինքնակառավարման մասին» ՀՀ օրենքի 35-րդ հոդվածի 24) կետի և ՀՀ Կառավարության 29.12.2005թ. «Հայաստանի Հանրապետության քաղաքային և գյուղական բնակավայրերում ներբնակավայրային աշխարհագրական օբյեկտների անվանակոչման, անվանափոխության, անշարժ գույքի` ըստ դրա գտնվելու և /կամ/ տեղակայման վայրի համարակալման, հասցեավորման ու հասցեների պետական գրանցման կարգը հաստատելու և հասցեների գրանցման լիազոր մարմին սահմանելու մասին» թիվ 2387-Ն որոշման մեջ լրացումներ և փոփոխություններ կատարելու մասին ՀՀ կառավարության 25.02.2021թ-ի N 233-Ն պահանջներով, հիմք ընդունելով 23.12.2024թ. տրված Սարուխանի հողային բարեփոխումների և սեփականաշնորհման հանձնաժողովի 02.04.1992թ. թիվ 8 և 28.05.1993թ. թիվ 11 որոշումներից քաղվածքը, ըստ օրենքի ժառանգության իրավունքի վկայագրով /տրված 18.03.2022թ/ գույքի նկատմամբ ժառանգ Հայրապետ Վանուշի Բալեյանի /ծնված 21.01.1962թ-ին/ դիմումը, «Դավիթ Առաքելայն» ԱՁ-ի կողմից տրված հողամասի և շինությունների հատակագծերը, համաձայն որոնց Գավառ համայնքի գյուղ Սարուխան Գ. Նարեկացու փողոց թիվ 16 հասցեում գտնվող հողամասը չափագրվել է, հատկացվել է 0․12 հա, ինչը փաստացի կազմում է 0․14089 հա, որը Հայրապետ Վանուշի Բալեյանի /ծնված 21.01.1962թ-ին/ ժառանգության իրավունքով պատկանող հողամասն է և հաշվի առնելով, որ օրինական կառուցված 275.40 քմ ընդհանուր մակերեսով շենք-շինությունների /կառուցված 1970-2000թթ./ կառուցման ու սպասարկման համար անհրաժեշտ 0․14089 հա հողամասը չի գտնվում ՀՀ հողային օրենսգրքի 60-րդ հոդվածով սահմանված սահմանափակումների ցանկում, ինչպես նաև ինժեներատրանսպորտային օբյեկտների օտարման գոտիներում, չի առաջացնում սերվիտուտ, որոշում եմ 

1. Վերականգնել Գավառ համայնքի գյուղ Սարուխան Գ. Նարեկացու փողոց թիվ 16 հասցեում գտնվող գույքային միավորի նկատմամբ Հայրապետ Վանուշի Բալեյանի /ծնված 21.01.1962թ-ին/ Ջուլիետա Վանուշի Բալեյանի /ծնված 20.04.1972թ-ին/ հողօգտագործման իրավունքը, բնակելի տան կառուցման և սպասարկման համար 0․12 հա օրինական հատկացված հողամասից ավել փաստացի օգտագործվող 0․02089 հա հողամասի գույքային իրավունքները՝ ճանաչելով նրանց սեփականության իրավունքը 0․14089 հա ընդհանուր մակերեսով հողամասի և օրինական կառուցված 275.40 քմ ընդհանուր մակերեսով շենք-շինությունների /կառուցված 1970-2000թթ./ նկատմամբ` որպես օրինական տիրապետվող գույք:

2. Անշարժ գույքին տրամադրել Գավառ համայնք, գյուղ Սարուխան Գ. Նարեկացու փողոց, թիվ 16 հասցեն:

3. Սույն որոշումը ներկայացնել ՀՀ անշարժ գույքի կադաստրի պետական կոմիտեի անշարժ գույքի գրանցման միասնական ստորաբաժանում` գույքային իրավունքների պետական գրանցում կատարելու համար:

4. Որոշման կատարման հսկողությունը դնել Գավառ համայնքի ղեկավարի տեղակալ Գ․ Բոշյանի վրա։