Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 1-ին հոդվածի 2-րդ մասի, 23-րդ հոդվածի, «Տեղական ինքնակառավարման մասին» Հայաստանի Հանրապետության օրենքի 13-րդ հոդվածի 10-րդ մասի, 18-րդ հոդվածի 1-ին մասի 42/ կետի դրույթներով, նկատի ունենալով, որ «ՀՀ Գեղարքունիքի մարզի Գավառ քաղաքում գտնվող 432 տեղ հզորությամբ թիվ 5 հիմնական դպրոցի կառուցման» նախագծային աշխատանքների իրականացման ընթացքում պարզվել է, որ դպրոցի շինհրապարակի տարածքում առկա են շինարարական աշխատանքներին խոչընդոտող բազմամյա թվով 14 եղևնիներ ու 3 տուաներ։ Հիմք ընդունելով շինարարական աշխատանքներն իրականացնող «Ֆ Տ Դ-ՇԻՆ» սահմանափակ պատասխանատվությամբ ընկերության տնօրինության կողմից Գավառ համայնքի ղեկավարին հասցեագրած գրությունը, առաջարկվում է․ 1․Համաձայնություն տալ ՀՀ Գեղարքունիքի մարզի Գավառ քաղաքի թիվ 5 հիմնական դպրոցի շինարարական աշխատանքներն իրականացնող <<Ֆ Տ Դ - ՇԻՆ>> ՍՊԸ-ի կողմից սեփական միջոցներով, համապատասխան մասնագիտացված տեխնիկայով դպրոցի շինհրապարակի տարածքում առկա շինարարական աշխատանքներին խոչընդոտող բազմամյա թվով 14 եղևնիներն ու 3 տուաները հանելուն և Գավառի համայնքապետարանի կողմից մատնանշած տարածքում վերատնկելու պայմանով։
2․Սույն որոշումն ուժի մեջ է մտնում հրապարակմանը հաջորդող օրը։ |