Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 1-ին հոդվածի 2-րդ մասի, 23-րդ հոդվածի, Հայաստանի Հանրապետության քաղաքացիական օրենսգրքի 67-րդ և 68-րդ հոդվածներով, «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ և 30-րդ կետերի դրույթներով, հիմք ընդունելով «Գավառի համայնքային ենթակայության ոչ առևտրային մի շարք մի շարք կազմակերպությունների գործունեության դադարեցման մասին» Գավառ համայնքի ավագանու 2022 թվականի հունվարի 11-ի արտահերթ նիստի թիվ 9-Ա որոշումը, որոշում եմ
1․ Սարուխան բնակավայրի «Սարուխան սպասարկում», Գեղարքունիք բնակավայրի «Գեղարքունիք սպասարկում» և Կարմիրգյուղ բնակավայրի «Կարմիրգյուղ սպասարկում» համայնքային ոչ առևտրային կազմակերպությունները լուծարելու նպատակով ստեղծել լուծարային հանձնաժողով հետևյալ կազմով․
Հանձնաժողովի նախագահ՝ Գրիգոր Բոշյան - համայնքի ղեկավարի տեղակալ
Հանձնաժողովի անդամներ՝ Յուրիկ Մինասյան - «Գավառի կոմունալ սպասարկում և բարեկարգում» համայնքային հիմնարկի
տնօրեն
Ավետիք Ղազանչյան – համայնքապետարանի աշխատակազմի իրավաբանական բաժնի գլխավոր մասնագետ
Արծրուն Դվոյան - համայնքի ղեկավարի օգնական
Մերի Սարիբեկյան – համայնքապետարանի աշխատակազմի ֆինանսատնտեսագիտական,
եկամուտներ հաշվառման և հավաքագրման բաժնի առաջատար մասնագետ
2․ Հանձնարարել լուծարային հանձնաժողովին՝ ՀՀ օրենսդրությամբ սահմանված կարգով իրականացնել լուծարային գործընթացը։
3․ Սույն որոշման ընդունման պահից լուծարային հանձնաժողովին են անցնում «Սարուխան սպասարկում», «Գեղարքունիք սպասարկում» և «Կարմիրգյուղ սպասարկում» համայնքային ոչ առևտրային կազմակերպությունների գործերի կառավարման լիազորությունները։
4․ Սույն որոշումն ուժի մեջ է մտնում հրապարակման օրը։