Ղեկավարվելով Հայաստանի Հանրապետության Հողային օրենսգրքի 101-րդ հոդվածով և «Տեղական ինքնակառավարման մասին» Հայաստանի Հանրապետության օրենքի 46-րդ հոդվածի 3-րդ մասով, հիմք ընդունելով քաղաքացի Նորիկ Շավարշի Սուչյանին սեփականության իրավունքով պատկանող հողամասից / վկայական N 03122019-05-0011 տրված 2019 թվականի դեկտեմբերի 3-ին / հրաժարվելու մասին դիմումը, որոշում եմ 

1. Քաղաքացի Նորիկ Շավարշի Սուչյանին սեփականության իրավունքով պատկանող ք. Գավառ հասցեում գտնվող 0,128 հա մակերեսով 05-001-0436-0254 կադաստրային ծածկագրով գյուղատնտեսական նշանակության խոտհարքը ճանաչել համայնքային սեփականություն:
2. Աշխատակազմի քարտուղարին` սույն որոշումն ընդունելուց հետո` 15-օրյա ժամկետում այն ներկայացնել կադաստրի կոմիտեի անշարժ գույքի գրանցման միասնական ստորաբաժանում՝ որոշումից ծագող իրավունքների պետական գրանցման համար:
3. Աշխատակազմի քարտուղարին` հողամասի նկատմամբ իրավունք հավաստող վկայականը ստանալուց հետո` համայնքի ավագանու առաջիկա նիստում ավագանու հաստատմանը ներկայացնել համայնքի գույքագրման փաստաթղթերում առաջացող փոփոխությունները: