Ղեկավարվելով «Նորմատիվ իրավական ակտերի մասին» ՀՀ օրենքի 1-ին հոդվածի 2-րդ մասի, 23-րդ հոդվածի, ՀՀ քաղաքացիական օրենսգրքի 63-րդ հոդվածի, «Տեղական ինքնակառավարման մասին» ՀՀ օրենքի 13-րդ հոդվածի 10-րդ մասի, 18-րդ հոդվածի 1-ին մասի 15) կետի, 35-րդ հոդվածի 1-ին մասի 8) կետի դրույթներով, նկատի ունենալով, որ «Գավառի՝ Գ. Դաբաղյանի անվան դուդուկի մասնագիտացված երաժշտական դպրոց» համայնքային ոչ առևտրային կազմակերպություն հաճախող սաների թիվը նվազել է, ելնելով համայնքի բյուջեի միջոցների արդյունավետ օգտագործման անհրաժեշտությունից, Գավառ համայնքի ավագանին որոշում է 

1. Դադարեցնել «Գավառի՝ Գ. Դաբաղյանի անվան դուդուկի մասնագիտացված երաժշտական դպրոց» համայնքային ոչ առևտրային կազմակերպության գործունեությունը և միացնել «Գավառի՝ Հ. Թալալյանի անվան երաժշտական դպրոց» համայնքային ոչ առևտրային կազմակերպությանը:
2. Համայնքի ղեկավարին՝
1) «Գավառի՝ Գ. Դաբաղյանի անվան դուդուկի մասնագիտացված երաժշտական դպրոց» համայնքային ոչ առևտրային կազմակերպությունը «Գավառի՝ Հ. Թալալյանի անվան երաժշտական դպրոց» համայնքային ոչ առևտրային կազմակերպությանը միացնելու, սեփականության իրավունքով «Գավառի՝ Գ. Դաբաղյանի անվան դուդուկի մասնագիտացված երաժշտական դպրոց» ՀՈԱԿ-ին պատկանող գույքը «Գավառի՝ Հ. Թալալյանի անվան երաժշտական դպրոց» ՀՈԱԿ-ին փոխանցելու գործընթացն ապահովելու նպատակով ձևավորել հանձնաժողով և օրենքով սահմանված կարգով իրականացնել նշված համայնքային ոչ առևտրային կազմակերպությունների վերակազմակերպումը:
2) Հաստատել «Գավառի՝ Գ. Դաբաղյանի անվան դուդուկի մասնագիտացված երաժշտական դպրոց» և «Գավառի՝ Հ. Թալալյանի անվան երաժշտական դպրոց» համայնքային ոչ առևտրային կազմակերպությունների միացման պայմանագիրն ու փոխանցման ակտը:
3. Սույն որոշումն ուժի մեջ է մտնում պաշտոնական հրապարակմանը հաջորդող օրը: