Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 1-ին հոդվածի 2-րդ մասի, 23-րդ հոդվածի, Տեղական ինքնակառավարման մասին Հայաստանի Հանրապետության օրենքի 13-րդ հոդվածի 10-րդ մասի, 18-րդ հոդվածի 1-ին մասի 42-րդ կետի դրույթներով, հիմք ընդունելով Գերմանիայի միջազգային համագործակցության (GIZ) ֆինանսավորմամբ և «ԲԼԵՋԱՆ» հասարակական կազմակերպության ու Գավառի համայնքապետարանի համատեղ նախաձեռնությամբ Գավառ համայնքում մեկնարկվելիք «Երազանքի այգի» բնահեն լուծումներով բազմաֆունկցիոնալ կլիմակայուն քաղաքային այգու ստեղծման կարեւորությունը և նկատի ունենալով, որ Գավառի համայնքապետարանի առաջարկությամբ Գավառ քաղաքի բնակիչ Հոռոմսիմե Արամի Գալստյանը Գավառ համայնքին է վերադարձրել աճուրդային կարգով իր կողմից ձեռք բերված, սեփականության իրավունքով իրեն պատկանող Գավառ քաղաքի Ռ․Զախարյան փողոց N 2/2 հասցեի հողամասը, Գավառ համայնքի ավագանին որոշում է․
1․Աճուրդային կարգով Գավառ քաղաքի Ռ․Զախարյան փողոց N 2 հասցեի հասարակական կառուցապատման հողամասի ձեռք բերման, պետական գրանցման, եռաֆազ էլեկրական հոսանքի միացման, նոր կառուցվող շինության, ինչպես նաև ջրային համակարգերի նախագծերի պատվիրման համար քաղաքացի Հոռոմսիմե Արամի Գալստյանի կողմից կատարած վճարների ու ծախսերի փոխհատուցման նպատակովնրան հատկացնել 1 425 000 (մեկ միլիոն չորս հարյուր քսանհինգ հազար) ՀՀ դրամ։
2․Սույն որոշումն ուժի մեջ է մտնում հրապարակմանը հաջորդող օրը։