Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 1-ին և 23-րդ հոդվածների, ՀՀ հողային օրենսգրքի 61-րդ, 62-րդ և 66-րդ հոդվածների, Տեղական ինքնակառավարման մասին» Հայաստանի Հանրապետության օրենքի 18-րդ և 35-րդ հոդվածների դրույթներով, հիմք ընդունելով լիցենզավորված գնահատողի կողմից տրված հողամասի գնահատման արժեքը՝ առաջարկվում է․ 1․ Համաձայնություն տալ Գավառ քաղաքի Հացառատ թաղամաս, Հենրիկ Աբրահամյան փողոց, առևտրի կրպակ թիվ 135 հասցեում գտնվող, Արտակ Ալբերտի Ապկարյանին սեփականության իրավունքով պատկանող /սեփականության իրավունքի վկայական N1295052, տրված 12․05․2004թ․/ առևտրի կրպակի կառուցման ու սպասարկման համար հատկացված, Գավառ համայնքի սեփականություն հանդիսացող /սեփականության իրավունքի վկայական N10072025-05-0060, տրված 10․07․2025թ․/ ք․ Գավառ Հենրիկ Աբրահամյան փողոց թիվ 135 հողամաս հասցեում գտնվող 05-001-0473-0008 կադաստրային ծածկագրով, 0,00591հա մակերեսով, բնակավայրերի նպատակային նշանակության, հասարակական կառուցապատման գործառնական նշանակության, սահմանափակումներ չունեցող հողատարածքը գնման նախապատվության իրավունքով, ուղղակի վաճառքի միջոցով օտարել Արտակ Ալբերտի Ապկարյանին։
2․ Վաճառքի գին սահմանել «Ֆուլ Քոնսալթինգ Գրուպ» ՍՊԸ-ի կողմից գնահատման եզրակացությունում նշված 521300 /հինգ հարյուր քսանմեկ հազար երեք հարյուր/ ՀՀ դրամ արժեքը։
3․ Սույն որոշումն ուժի մեջ է մտնում հրապարակմանը հաջորդող օրը: |