Հիմք ընդունելով «Տեղական ինքնակառավարման մասին» օրենքի 8-րդ հոդվածի 1-ին մասի 14-րդ կետը, 11-րդ հոդվածը, 13-րդ հոդվածի 10-րդ մասը, հաշվի առնելով Գավառ համայնքում մասնակցային բյուջետավորման գործընթացի կառավարման հանձնաժողովի «08» հուլիսի 2024 թվականի արձանագրությունը, Գավառ համայնքի ավագանին որոշում է

1. Հավանություն տալ մասնակցային բյուջետավորման գործընթացի ժամանակ hամայնքի բնակիչների կողմից ներկայացված և քվեարկության արդյունքում ընտրված առաջարկներին՝ «Աշակերտների սեփական այգին», «Կանաչ թաղամաս», «Restart այգի» և «Հայրավանք և Բերդկունք բնակավայրերի տոնակատարությունների համար գույքի ձեռքբերում»։
2. Առաջարկներն իրականացնել գնումների մասին օրենսդության և այլ նորմատիվային ակտերի պահանջներին համապատասխան։
3. Առաջարկների իրականացման ավարտից հետո ամփոփ հաշվետվություն ներկայացնել ավագանուն։
4. Սույն որոշումն ուժի մեջ է մտնում որոշման ընդունմանը հաջորդող օրվանից: