Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին կետի 25-րդ ենթակետի պահանջներով և հիմք ընդունելով ՀՀ Կառավարության 1708-Ն որոշումը՝ առաջարկվում է. 1.Համաձայնություն տալ Գավառ համայնքի ղեկավարի առաջարկությանը և թույլատրել ներկայացնելու «Գավառ քաղաքում բազմաբնակարան շենքերի մուտքերի, տանիքների հիմնանորոգման եւ արտաքին լուսավորության անցկացման աշխատանքներ» նպատակային սուբվենցիայով իրականացվելիք ենթակառուցվածքների զարգացման ծրագիրը։
2․ Սուբվենցիայի ստացման համար գործող կարգով կազմել և ՀՀ Գեղարքունիքի մարզպետի աշխատակազմ ներկայացնել «Գավառ քաղաքում բազմաբնակարան շենքերի մուտքերի, տանիքների հիմնանորոգման եւ արտաքին լուսավորության անցկացման աշխատանքներ» տնտեսական զարգացման ֆինանսավորման հայտը։
3․ Սահմանել, որ ծրագրի ներկայացման համար համայնքի 2025 թվականի բյուջեով բավարար ֆինանսական միջոցներ են նախատեսված ծրագիրը իրականացնելու և համայնքային ներդրում կատարելու համար։ |