Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 1-ին հոդվածի 2-րդ մասի, 23-րդ հոդվածի, ՀՀ հողային օրենսգրքի 61-րդ և 66-րդ հոդվածների, «Տեղական ինքնակառավարման մասին» Հայաստանի Հանրապետության օրենքի 18-րդ և 35-րդ հոդվածների, ՀՀ Կառավարության 18․05․2006 թ․ «Ինքնակամ կառույցների օրինականացման և տնօրինման կարգը հաստատելու մասին» թիվ 912-Ն որոշման դրույթներով՝ առաջարկվում է. 1. Համաձայնություն տալ Գավառ համայնք գյուղ Նորատուս Մայրուղու թաղամաս թիվ 30 բենզալցակայան հասցեում գտնվող, Գավառ համայնքի սեփականություն հանդիսացող 0,3 հա մակերեսով, բնակավայրերի նպատակային նշանակության, հասարակական կառուցապատման գործառնական նշանակության հողատարածքը և Էդուարդ Վասիլի Հակոբյանի կողմից կառուցված 46,3 քմ արտաքին (33,0 քմ ներքին) մակերեսով օպերատորի սենյակը, պահակատունը և 76,8 քմ մակերեսով ծածկը ուղղակի վաճառքի միջոցով օտարելու ինքնակամ կառույցն իրականացրած անձին: 2. Վաճառքի գին սահմանել հողամասի 0,02462 հա հողամասի նկատմամբ կադաստրային արժեքով՝ 1 քմ-ի համար 792 (յոթ հարյուր իննսուներկու) ՀՀ դրամ, 0,27538 հա հողամասի 1 քմ-ի համար հողամասի հողամասի կադաստրային արժեքի եռապատիկի չափով՝ 2376 (երկու հազար երեք հարյուր յոթանասունվեց ) ՀՀ դրամ, իսկ օպերատորի սենյակ, պահակատան և ծածկի 1քմ-ի համար 9252 (ինը հազար երկու հարյուր հիսուներկու) ՀՀ դրամ։ 3. Սույն որոշումն ուժի մեջ է մտնում հրապարակմանը հաջորդող օրը: |