Միջպետական ավտոճանապարհներին խոշոր եղջերավոր անասունների, ձիերի վրաերթերի և ճանապարհատրանսպորտային պատահարների դեպքերից խուսափելու համար ՀՀ ոստիկանության պարեկային ծառայության Գեղարքունիքի գումարտակից տեղեկացնում են, որ արգելվում է․
1․ կենդանիներին թողնել ճանապարհին առանց հսկողության,
2․ կենդանիներին արածեցնել ճանապարհի կանաչապատված բաժանարար գոտում՝ ճանապարհին 100մ․ մոտ տարածքներում, ինչպես նաև դրանց կուտակել երթևեկելի մասերում և մայթերին․
3․ Օրվա մութ ժամերին /մթնշաղի վերջի և աղջամուղջի սկզբի միջև ընկած ժամանակահատվածը/ և անբավարար տեսանելիության պայմաններում /մառախուղի, անձրևի, ձյունաթափի և /կամ/ ճանապարհային երթևեկության անվտանգության ապահովման համար այլ անբարենպաստ եղանակի պայմաններում, ճանապարհի տեսանելիությնուն և /կամ/ մինչև 300մ տեսանելիության հեռավորություն/ անասուններին անցկացնել երկաթգծերով և ճանապարհներով, իսկ մնացած ժամանակ՝ դրա համար նախատեսված տեղերից դուրս։
4․այլ ուղիների առկայության դեպքում կենդանիներին քշել ասֆալտբետոնե և ցեմենտբետոնե ծածկույթով ճանապարհներով։