Գավառի համայնքապետարանի և «ԱՄՔՈՐ ՀԱՅԱՍՏԱՆ» բարեգործական հիմնադրամի գործակցության շրջանակներում իրականացվող «Էթիկայի դպրոց բարեկիրթ սերնդի համար» ծրագրով Գավառի ուսուցողական կենտրոնում անցկացվեց «Հաղորդակցման հմտություններ» թեմայով դասընթաց։
Այն վարեց հանրային խոսքի մարզիչ, հաղորդակցության փորձագետ Լիկա Թումանյանը։
Դասընթացին մասնակցեցին Գավառ համայնքի պետական, Տիմ, կրթամշակութային հաստատությունների աշխատակիցներ։
Նույն ծրագրով իրականացվելու են եռամսյա դասընթացներ։

Այս պահին ընթանում են հիմքի կառուցման աշխատանքները։ Ցանկապատի կառուցումը կատարվում է «Գավառի Մասնակցային բյուջետավորում 2025» գործընթացի շրջանակում։ Մանկապարտեզի անվտանգության մակարդակը բարձրացնող ենթակառուցվածքի անհրաժեշտությունը ներկայացրել են համայնքի բնակիչները։
Նախաձեռնությունը դրվել է քվեարկության, և համապատասխան հանձնաժողովի կողմից ստացել է հավանություն։
Նորատուսի թիվ 2 մանկապարտեզի ցանկապատման ծրագիրը իրականացվում է սուբվենցիոն եղանակով։ Ծրագրի համար հատկացվել է 20 մլն 40 հազար դրամ, որի 60%-ը տրամադրում է Գավառ համայնքը, իսկ 40%-ը՝ պետական բյուջեն։
Շինարարների տեղեկացմամբ՝ աշխատանքները կավարտվեն առաջիկա մեկ ամսվա ընթացքում։